My Diary

今日我冇返到學,因為我好怕見到佢,我唔知點樣面對佢好,佢成日咁樣反反覆覆,令到我真係好辛苦,但係呢一晚佢話佢終於做左個決定,佢話會同我係埋一齊,而同佢只會做一對講心事既朋友,唔知點解,我有種不詳既預感,佢呢個境況咪即係我同佢之前咁,佢地兩個係因為我而分開,咁會唔會到時候又因為佢而分開呢?兩個人分左手如果做一對講心事既朋友,可以的嗎?我真係唔知道,但係點都好,佢既然決定同我係埋一齊,我就要好好咁對佢,俾到佢快樂,唯有望我擔心既事唔會發生啦!
同埋就係要考好個a-level呀!仲有一件事,就係我好開心我有班真係好好既同學,呢班同學係我最難捱既時候陪著我,我永遠都唔會唔記ga,只要佢地需要我,我一定會盡我能力幫番佢地!呢個係我俾自己既承諾,一定要達到啊!

琴日呢個時間memi同我講話同佢分左手,我真係覺得好開心ga,諗緊我可以同佢一齊,我仲答應佢我一定會對佢好好,但係今日佢竟然可以同我講話真係好傷心,好掛住佢,仲要佢個fd一打電話唻佢就諗到底佢係唔係一時沖動,我真係好激氣,我係度諗,點解佢要咁對我,我自問都唔會咁對佢啦,佢點解成日都要咁hurt我,行行下街可以無啦啦同我講咩廚師推介,話咩佢同我講話呢d千祈唔好食,仲要成日俾d希望我,之後又要我失望,佢究竟想我點ga,我到底係佢邊個,佢完全無理過我感受,我話佢兩句仲話要憎我....哈哈,我真係唔知佢而家諗緊乜,到我大方d放手,佢又唔俾我走,咁佢到底想拖幾耐呀,我就唻頂唔順啦,我真係未試過為左一個女人可以煩咁耐ga,而家我要同自己講,唔可以再煩ga啦,佢真係再決定唔到,就我幫佢決定啦,應該專注番學業,訓番覺好ge,唔可以俾佢攪到自己晚晚都冇覺好訓ga!!!!